“ Daru Magam Tara 48 ” Laika Buk A Matu Garum Hpyi Lajin Ai Lam
Kachin Today Group (USA) a laika buk dip shapraw masing hte maren ,book series (4) hku nna, Robert Greene a “The 48 Laws of Power” ngu ai laika buk hpe ,Jinghpaw laika hku ga gale nna “Daru Magam Tara 48” ngu ai gabaw hte dip shabra sa wa na hkyen lajang nga ai hku re.
Laika man (500) jan nga ai n’dai laika buk hpe 2009, hta ,bu ga kaw shanu nga ai Wunpawng amyu sha ,laika hti shawa ni a lata de du hkra, shabra sa wa na myit mada da ai hte “Daru Magam” hkrat sum nga ai amyu sha ni “Karai wa Jaw Da Ai Daru Magam” hpe ,bai lu la hkra ,shakut sa wa ai lam hta ,akyu jashawn lu na re ,ngu nna grai myit mada let, dip shapraw dat ai re.
Jinghpaw laika gaw ,Wunpawng amyu sha ni yawng a “Asak Sai Lam Kaba” nan rai nga ai majaw, amyu sha rawt jat kalu kaba ngang grin wa lu na matu yaw shada let, n chye n kaw, n tai, n mai rai tim, galaw na “Labau Lit” nga ai ngu nna hkam la ai hte , galaw sa wa ai magam hta ,tsaw ra ai myitsu ni yawng garum shingtau, shang lawm madi shadaw hpaji jaw la marit ngu nna mung “Na Chying” wa hpyi lajin dat mayu ai.
N’dai laika buk dip shapraw ai hta jai lang na matu , ra kadawn nga ai ja gum hpraw ni hpe mung , kabu gara hkap la nga ga ai rai nna, US $ 100 hte lahta de, garum jaw bang ya ai ni a mying jahpan hpe mung , laika buk hta ,chyeju dum masat hku nna , ka matsing bang da na hkyen nga ai hku re.
Hkungga La Ra Let,
Kachin Today Group (USA)
Matut Mahkai Hkring Dat:
Lazaru- 01-918-991-9080
Ba Awng-01-415-672-0770
Email: wpd@kachintodayusa.org
